K220601-0

1. TË DHËNAT E KONTRATËS

• Sot, Nënshkruhet kjo Kontratë Qiradhënieje Automjeti midis Palëve, të cilat bien dakord mes tyre sipas përcaktimeve ligjore dhe përmbajtjes së kësaj Kontrate, që këtu e në vijim në këtë Kontratë do të quhet "Kontrata":

2. TË DHËNAT E PALËVE

• MES

• Shoqëria "GazheliRent" e regjistruar si person juridik në QKB (Qendra Kombëtare e Regjistrimit të Bizneseve) me Numër Unik Identifikimi të Subjektit NIUS M21628011F, me adresë Rruga “Mine Peza”, Godina Karburant Gazheli, pranë "Zogu i Zi", përfaqësuar nga Administratori, Enxhi Gazheli, me Nr. Personal J30909045O, gjithashtu nga Administratori, Mateo Gazheli, me Nr. personal J10718066E, të cilët veprojnë të dy sëbashku ose veç e veç, që këtu e në vijim në këtë Kontratë do të quhet “Qiradhënësi”.

• DHE

• Emri Juaj i Plotë •

• Këtu e në vijim në këtë Kontratë do të quhet “Qiradhënësi”.

3. TË DHËNAT E AUTOMJETIT

• ID Makina me Qera •
— Select —0001 Volkswagen Golf 7 (2017) Naftë 1.60002 Škoda Rapid (2018) Beniznë 1.00003 Škoda Rapid (2018) Benzinë 1.00004 Škoda Fabia (2017) Naftë 1.40005 Fiat 500X (2015) Naftë 2.00006 Citroën C4 (2012) Naftë 1.60007 Porsche Panamera (2011) Benzinë 4.8 V80008 Mercedes-Benz GLA (2019) Naftë 2.0

• Qiradhënësi shprehet se për sa ai ka dijeni dhe besim, automjeti që ai jep me qera është në gjendje të mirë teknike, dhe nuk ka vese apo defekte që do të mund të ndikojnë në sigurinë e lëvizjes me këtë automjet, kur përdoret normalisht.

4. PERIUDHA E QIRADHËNIES

• Qiradhënësi merr përsipër t’i japë Qiramarrësit me qera automjetin e sipërpërmendur, dokumentet e detyrueshme të automjetit për qarkullim, si edhe një autorizim për përdorimin e automjetit (për 1 apo 2, persona të tjerë, shoferë, sipas kërkesës së Qiramarrësit dhe të autorizuar me shkrim nga Qiradhënësi) brenda ose/dhe jashtë vendit, sipas detajeve të përcaktuara në vijim:

• Vendi ku Merret •
—Please choose an option—Karburant "Gazheli" Tiranë"Nënë Tereza" TIA

• Vendi ku Kthehet •
—Please choose an option—Karburant "Gazheli" Tiranë"Nënë Tereza" TIA

5. SIGURIMI

• Në çdo rast aksidentesh që përfshijnë këtë automjet, Qiramarrësi është përgjegjës për përmbushjen dhe plotësimin e procedurave përkatëse, konform rregullave dhe ligjeve të vendit ku ndodh aksidenti. Qiramarrësi ka detyrimin të njoftojë menjëherë Policinë kompetente, të informojë Qiradhënësin dhe të tërheqë personalisht kopjen e vlefshme të Raportit të Policisë ose të Vendimit të Gjykatës. Është absolutisht e detyrueshme për Qiramarrësin që të dorëzojë tek Qiradhënësi të gjitha dokumentet në lidhje me aksidentet, në mënyrë që të bëhet e mundur për Qiradhënësin aplikimi i mbulimeve nga siguracionet e automjetit. Qiramarrësi detyrohet të mbulojë/paguajë për çdo shpenzim/kosto ekstra që lidhet me aksidentet si: shërbimin e karrotrecit, procedurën e rimarrjes së dokumentacionit të automjetit kur bllokohet nga Policia, procedurën e rimarrjes së automjetit kur bllokohet nga Policia si edhe për çdo ditë kur automjeti qëndron i bllokuar si pasojë e aksidenteve, kur Policat e Siguracioneve nuk i mbulojnë këto aspekte dhe shpenzime. Në rastet kur fajtor është Qiramarrësi dhe ka dëm total e të pariparueshëm për automjetin, Qiramarrësi paguan 30% të vlerës së siguruar të automjetit! Në rast humbje/vjedhje të automjetit Qiramarrësi paguan 20% të vlerës së siguruar të automjet! Në rast humbje të dokumentacionit ose të çelësave të automjetit Qiramarrësi paguan 100% të kostos së zëvendësimit të tyre, duke përfshirë dhe koston ditore të qëndrimit të bllokuar të automjetit!

• Në rast aksidenti, Qiramarrësi është i detyruar të mos lëvizë automjetin nga vendngjarja, të marrë shënim targën e automjetit tjetër nëse ai largohet, të njoftojë urgjentisht policinë në numrin e emergjencave 112, 126, 129, etj., kompaninë e sigurimit referuar siguracionit që ndodhet në automjet dhe agjensinë GazheliRent, këtu Qiradhënësi, të përshkruajë ndodhinë dhe të plotësojë dokumentacionin (formularët standard) e nevojshëm.

6. MBULIMET NGA SIGURACIONET DHE GARANCIA E PRODHUESIT

• Duke nënshkruar këtë kontratë Qiramarrësi merr përsipër të zhdëmtojë Qiradhënësin tërësisht për çdo dëm që pëson automjeti kur këto dëme nuk mbulohen nga Siguracionet e automjetit, me përjashtim të atyre dëmeve që konstatohen në automjet pas kthimit tek Qiradhënësi të cilat janë shkaktuar vetvetiu për faj të vetë automjetit dhe pjesëve mekanike që mbulohen nga Garancia mekanike e automjetit dhe nga Qiradhënësi. Qiramarrësi bie dakord me përmbajtjen e Policave të Sigurimit të automjetit dhe me Termat e Garancisë mekanike të automjetit dhe pranon çdo risk dhe detyrim që buron nga kufizimet e këtyre mbulimeve duke u shprehur i informuar me nënshkrimin e kësaj kontrate. Qiramarrësi paguan gjithashtu koston e qëndrimit bllokuar të automjetit, në rastet e aksidenteve për faj të Qiramarrësit, sipas skemës: Kosto Ditore Bazë e automjetit X Ditë Qëndrimi Bllokuar.

7. ÇMIMI I QIRASË

• Pagesa nga Ju e Vlerës Totale të dakordësuar në këtë Kontratë duhet të kryhet ose me transfertë në llogarinë bankare të Qiradhënësit, ose fizikisht në Zyrë nga Qiramarrësi apo personi i aztorizuar prej tij.
• Pagesa duhet kryer jo më vonë se 24 orë pas momentit të Nënshkrimit të kësaj Kontrate në rrugë elektronike.

8. DETYRIMET E QIRADHËNËSIT

1. Qiradhënësi garanton që ka gjithë të drejtën ligjore për të dhënë me qira këtë automjet.
2. Qiradhënësi garanton një posedim ekskluziv, të qetë dhe të pandërprerë të Automjeteve gjatë afatit të kësaj Kontrate.
3. Në rast dëmtimi të mjetit, Qiradhënësi ka për detyrë ti vendosë Qiramarrësit një automjet të ri në dispozicion.
4. Në rastet kur ndodhin aksidente rrugore ose defekte teknike të paparashikuara te automjetit dhe që ndikojnë në funksionimin normal të tij (automjetit), Qiradhënësi ka detyrimin t'i vendosë në dispozicion Qiramarrësit një mjet tjetër zëvendësues brenda 24 (njëzet e katër) orëve.
5. Qiradhënësi nuk mban përgjegjësi nëse këto mjete përdoren nga Qiramarrësi si në rastet e mëposhtme:
a) Transportimit të mallrave, lëndëve apo produkteve të paligjshme
b) Përdorimin e tyre për të tërhequr mjete të tjera ose trailera
c) Në gara sportive
d) Qëllime të paligjshme
e) Nga shoferë pa leje drejtimi apo nën influencën e alkoolit apo lëndëve të tjera narkotike
f) Nga shoferë të tjerë që nuk janë persona të autorizuar me shkrim nga “Qiramarrësi”
6. Qiradhënësi e dorëzon makinën tek qiramarrësi plot (full) me karburant dhe të larë.

9. DETYRIMET E QIRAMARRËSIT

1. Qiramarrësi është njohur me gjendjen e automjetit, objekt qiraje dhe deklaron se nuk ka asnjë vërejtje në lidhje me të në çdo aspekt.
2. Qiramarrësi duhet ti paguajë qiranë Qiradhënësit brenda afateve të caktuara në kontratë.
3. Qiramarrësi duhet të mbajë Automjetin në gjendje të mirë. Përjashtim bën këtu amortizimi i zakonshëm i Automjetit.
4. Nëse mjeti do të shkojnë jashtë vendit (Shqipërisë), Qiramarrësi duhet të lajmërojë Qiradhënësin për shtetin ku do të udhëtojë dhe duhet të pajiset me shpenzimet e vetë Qiramarrësit me policen e Sigurimit “Kartoni Jeshil”.
5. Qiramarrësi nuk mund të lëvizë me automjetet e marra me qira jashtë kufijve të Republikës së Shqipërisë, pa marrë autorizim nga Qiradhënësi, ky i fundit pasi jep autorizimin, e pajis qiramarrësin edhe me lejen e qarkullimit ndërkombëtare.
6. Te gjitha pagesat si gjoba për shkeljet rrugore, gjoba parkimi dhe të tjera, janë në ngarkim të Qiramarrësit që duhet t'i paguajë ato brenda afateve te përcaktuara në ligj.
7. Nëse në rast aksidenti apo vjedhje Qiramarrësi nuk njofton/raporton policinë, Qiramarrësi është përgjegjës për shpenzimet totale të riparimit dhe në rast vjedhje paguan 100% vlerën totale te automjetit.
8. Qiramarrësi është i detyruar të lejojë inspektimin e mjeteve, subjekt i kësaj kontrate, nga Qiradhënësi, ne çdo kohë duke e njoftuar Qiramarrësin të paktën 2 dite përpara .
9. Në rast dëmtimi total apo pjesor të mjeteve për faj të Qiramarrësit, ky i fundit është i detyruar të dëmshpërblejë Qiradhënësin për pjesën e pambuluar nga Policat e Sigurimit TPL dhe CASCO.
10. Qiramarrësi në të gjitha rastet kur konstaton shfaqjen e shenjave paralajmëruese në bordin e mjetit (kroskot) duhet të lajmërojë Qiradhënësin në numrat e kontaktit, e-mail, fax, sms, etj.
11. Në rastet kur Qiramarrësi neglizhon shenjat paralajmëruese të shfaqura në bordin e mjetit, shenja të cilat paralajmërojnë mosfunksionim normal të mjetit dhe si pasojë sjellin dëmtim të tij, Qiramarrësi ka detyrimin financiar të zhdëmtoje riparimin e defektit të shkaktuar. Nëse makina pëson defekte të cilat nuk shfaqin shenja në kroskot, përgjegjësia i takon Qiradhënësit.
12. Qiramarrësi ka për detyrë ta dorëzojë automjetin plot (full) me karburant dhe të larë.
13. Qiramarrësi nuk duhet të konsumojë duhan brenda në automjet. Në rast konstatimi të erës së rëndë brenda në automjet, bishta cigaresh, etj., Qiramarrësi do të gjobitet me vlerën 100 Euro nga Qiradhënësi.

10. NDALIME

• Makinat e marra me qira ndalohen të lëvizin në shtetet e bëra të ditura paraprakisht nga Qiradhënësi. Në rast lëvizjeje me automjetet e kompanisë në këto shtete, në mënyrë të paautorizuar nga Qiradhënësi, atëherë Qiramarrësi do të përgjigjet në vlerën 100% të dëmit të shkaktuar. Në rast vjedhjeje të automjetit në shtetet e sipërcituara, Qiramarrësi do të paguajë 100% të vlerës së plotë të mjetit.

11. DEPOZITA E SIGURISË

• Qiramarrësi bie dakord të lerë në dispozicion të Qiradhënësit një depozitë monetare prej:

• Vlera e Depozitës së Sigurisë në Euro € •

• Depozita e sigurisë për t'u përdorur në rast konstatimi kundravajtjeje, apo dëmtimi të automjetit ose pajisjeve, gjatë periudhës së qeramarrjes, për mbulimin e plotë apo të pjesshëm të kostos së riparimeve apo ndërrimeve të nevojshme. Në mungesë të kundravajtjeve apo dëmtimeve, depozita e mësipërme i kthehet Qiramarrësit e plotë.

12. KUNDRAVAJTJET

• Qiramarrësi përgjigjet për kundravatjet si më poshtë:
- Qiramarrësi do të zhdëmtojë vlerën e plotë të dëmit, nëse, në rast aksidenti, nuk ruan dhe dorëzon një kopje të raportit të policisë për ngjarjen.
- Qiramarrësi do të zhdëmtojë vlerën e plotë të dëmeve që nuk mbulohen nga policat e sigurimit ku hyjnë: dëmtimi apo çarja e gomave, dëmtimi i disqeve të rrotave, dëmtimi ose humbja e tasave mbulues të rrotave, dëmtimi i motorrit, i pompës së naftës ose benzinës si pasojë e përdorimit të karburantit të keq, dëmtimi i shasisë, dëmtimet e kryera nën efektin e alkoolit apo të drogave të ndryshme, dëmtimet e qëllimshme të shkaktuara përmes shpërthimeve, zjarrvënies, eksploziveve, apo nga djegia e tapicerisë së brendshme të makinës apo rastet e djegies nga përdorimi i duhanit brenda në automjet, dëmtimet e shkaktuara nga shoferë të paautorizuar me shkrim.
- Qiramarrësi duhet të paguajë tërësisht të gjitha gjobat për kohën e përdorimit prej tij të automjetit. Qiramarrësi raporton çdo gjobë në dijeni të tij tek Qiradhënësi dhe paguan edhe kamatat nëse ka. Ka raste kur gjoba të ndryshme njoftohen me vonesë. Qiradhënësi njofton Qiramarrësin të cilit i takon gjoba dhe i ngarkon detyrimin përkatës, brenda një maksimumi prej 12 (dymbëdhjetë) muaj nga kthimi i automjetit. Nëse Qiramarrësi kundërshton pagesën, detyrimi i tij shumëzohet me 3 (tre)!
- Qiramarrësi do të paguajë 10 EURO për çdo orë vonesë, deri në vlerën e një dite të plotë qiramarrjeje të automjetit të sipërpërmendur.
- Qiramarrësi do të paguajë 5 EURO, nëse automjeti dorëzohet i papastruar brenda dhe jashtë.
- Qiramarrësi paguan ekstra 0.2 Euro për çdo KM mbi limitin e kilometrave të paravendosur.

• Kilometra Totale Makina në Momentin e Qiradhënies/Qiramarrjes •

• Autonomi e lejuar: 250 kilometra në 24 orë.

13. KTHIMI I AUTOMJETIT

• Qiramarrësi merr përsipër t’i kthejë automjetin në fjalë Qiradhënësit, në adresën e përcaktuar në këtë kontratë, jo më vonë se data dhe ora e dakordësuar në këtë Kontratë, të mbushur plot (full) me karburant dhe të larë. Qiramarrësi nuk ka të drejtë të vonojë kthimin e automjetit ose të ndryshojë orën dhe vendin e detyrueshëm të kthimit pa marrë miratimin me shkrim (sms/faks/e-mail/postë) nga Qiradhënësi!

14. DISPOZITA TË FUNDIT

• Shkruani saktë (njëjtë si shkruhet në dokumentin ID) Emrin Tuaj të Plotë edhe në kutinë më poshtë, në cilësinë e firmës Suaj elektronike, duke konfirmuar kështu se jeni njohur tashmë dhe i pranoni të gjitha të drejtat, detyrimet dhe përgjegjësitë që lindin ndaj Jush si Qiramarrësi i Makinës me Qera objekt i kësaj Kontrate Elektronike mes Palëve.

• Emri i Plotë si Firmë •

• Çdo njoftim apo lajmërim që është i lejueshëm apo i nevojshëm sipas kësaj Kontrate, do të dërgohet në adresat e përcaktuara nga Ju në këtë Kontratë.

1. Në rast se Qiramarrësi vepron në kundërshtim me sa parashikohet më sipër dhe Qiradhënësi vlerëson se ka rrezik që automjetit t’i shkaktohet ndonjë dëmtim, Qiradhënësi ka të drejtë të zgjidhë këtë kontratë në mënyrë të menjëhershme e të njëanëshme dhe të marrë automjetin pa paralajmërim. Qiradhënësi ka dhe ruan të pacënuar të drejtën që të kërkojë kompensim për dëmet, kurdoqoftë.
2. Adresat e palëve, të përcaktuara në këtë kontratë, konsiderohen të vlefshme dhe korrespondenca, nëse do të ketë të tillë, ndërmjet palëve do të mbahet në këto adresa. Derisa pala tjetër të marrë njoftimin përkatës për ndryshimin e adresës, të dyja palët do të konsiderojnë të vlefshme adresën e përmendur në këtë kontratë ose adresën e përcaktuar në njoftimet e mëparshme për ndryshim.
3. Kjo kontratë i nënshtrohet legjislacionit shqiptar në fuqi dhe do të interpretohet në përputhje me këtë legjislacion.
• Në rast mosmarrëveshjeje ndërmjet palëve në lidhje me interpretimin, zbatimin dhe zgjidhjen e kësaj kontrate, palët do t’i drejtohen Gjykatës së Rrethit Gjyqësor Tiranë.
• Kjo kontratë hartohet në dy kopje të njëjta në gjuhën shqipe dhe hyn në fuqi në momentin e nënshkrimit. Çdo pretendim tjetër, jashtë kësaj kontrate të shkruar nuk është i vlefshëm.
• Palët, pasi e lexojnë me kujdes dhe vëmendje, pranojnë se kanë kuptuar kushtet e kësaj kontrate dhe që automjeti është dorëzuar e marrë në dorëzim në kushtet e përshkruara në kontratë e në anekset e saj, dhe me vullnet të lirë, e nënshkruajnë atë.
15. MIRATIMI YNË SI QIRADHËNËS
• GazheliRent, në cilësinë e Qiradhënësit, nënshkruan elektronikisht të gjitha korrespondencat dixhitale që përcillen prej tij me E-mail, modulet e rezervimit, formularë kontakti, kontrata elektronike, etj., si dhe vetë përmbajtjen e faqes së internetit në pronësi të vet, në përputhje me legjislacionet përkatëse në Republikën e Shqipërisë, të regjistruar pranë Autoritetit të Komunikimeve Elektronike dhe Postare të Shqipërisë, me adresën domain kryesore të aksesueshme publikisht nëpërmjet lidhjes URL "https://gazheli.al" me ose pa "www." përpara emrit domain, si dhe nën-faqes me certifikatë sigurie SSL të aprovuar "https://rent.gazheli.al", Qiradhënësi kësisoj Nënshkruan elektronikisht edhe këtë Kontratë në dy kopje të dërguara në rrugë elektronike, që buron zyrtarisht prej adresës elektronike zyrtare unike të certifikuar të Qiradhënësit.
• Sigurohuni gjithmonë që po lundroni dhe po aksesoni përmbajtjen e faqes sonë direkt nga lidhja URL e verifikuar si e sigurtë "https://rent.gazheli.al" dhe që çdo korrespondencë elektronikisht mes Jush dhe Qiradhënësit të burojë, të zhvillohet dhe të pasohet sipas autorizimeve përkatëse vetëm me adresat e regjistruara të Qiramarrësit, të cilat identifikohen në internet me anë të adresës unike domain dhe nëpërmjet postës elektronike E-mail po nga i njëjti domain, i cili gjithmonë identifikohet në përfundim nga emërtimi "@gazheli.al" si dërguesi i identifikueshëm në rrjet.
• Qiradhënësi nuk do Ju kërkojë asnjëherë që t'i përcillni të dhëna dhe informacione me përmbajtje të natyrës identifikuese ndaj vetë Jush apo personave të lidhur me Ju, në një adresë tjetër përveç asaj të regjistruar në pronësi të Qiradhënësit, e cila identifikohet nga adresa domain dhe lidhja URL me emërtimin mëmë "www.gazheli.al" dhe adresat nën-domain derivate të saj, si "rent.gazheli.al" apo adresat E-mail nga të njëjtit domain, si "info@gazheli.al" apo "rent@gazheli.al" apo të tjera adresa të verifikuara kontakti, gjithmonë të identifikueshme nga emërtimi domain mëmë: "gazheli.al".
16. MIRATIMI JUAJ SI QIRAMARRËS
• Shtypni butonin "Nënshkruaj" për të përfunduar dhe dërguar me E-mail në adresën zyrtare të Qiradhënësit: clients@gazheli.al një kopje të kësaj Kontrate, të firmosur saktë nga Ju më sipër, duke nënshkruar emrin Tuaj në mënyrë elektronike.
• Nga një kopje e plotësuar e kësaj Kontrate në gjuhën shqipe u dërgohet Palëve sapo Nënshkruhet, e kësisoj njëherazi edhe dërgohet në rrugë dixhitale nga Ju në mënyrë elektronike, me anë të butonit "Nënshkruaj" më poshtë.
• Së bashku me Kontratën, Ju mbërrijnë në E-mail edhe Koordinatat Bankare të Qiradhënësit ku duhet të kryeni Pagesën për vlerën e dakordësuar sipas kushteve të përcaktuara qartë në këtë Kontratë.
• Kjo Kontratë do të konsiderohet e vlefshme vetëm atëherë kur të gjitha të dhënat e sakta kontraktuale, të pasqyruara vullnetarisht nga vetë Qiradhënësi, janë në përputhje të plotë, pa gabime, ndryshime dhe parregullsi, me të dhënat që Ju si Qiramarrës i plotësoni aty ku duhet vullnetarisht, në fushat që Ju kërkohen në këtë Kontratë.
• Kjo Kontratë hyn në fuqi menjëherë pasi firmoset nga Palët në mënyrë elektronike dhe secila prej Palëve e ka marrë një kopje dixhitale të kësaj Kontrate në adresën e vet elektronike të vlefshme.

• Pasi të shtypni mbi butonin "Nënshkruaj" sipër, Ju duhet të prisni pak sekonda, deri kur të merrni në vijim një mesazh që Ju konfirmon dërgimin me sukses të kësaj Kontrate, nëse të gjitha fushat janë plotësuar saktë nga Ju.
Mbetemi në dispozicionin Tuaj falë shërbimeve cilësore 24/7, ofruar me transparencë dhe profesionalizëm nga Gazheli Rent dhe Gazheli Oil Albania.
Faleminderit që zgjodhët Gazheli Rent.
Ju urojmë udhëtim të mbarë!